"Amma məndə geri çəkilmək yoxdu" - Kaxaber Sxadadze
"Qəbələ" Misli premyer-liqasının 3-cü tur matçında "Araz-Naxçıvan"ın meydanında məğlub oldu - 1:2.
"Football-plus.az" xəbər verir ki, "qırmızı-qaralar"ın baş məşqçisi Kaxaber Sxadadze oyunsonrası mətbuat konfransında matçı şərh etdi:
"Əvvəlcə “Qarabağ”ı və keçmiş komandam “Kayrat”ı Çempionlar Liqasının əsas mərhələsinə vəsiqə qazanması münasibəti ilə təbrik edirəm. Oyuna gəlincə, rəqib yaxşı futbolçulardan təşkil olunmuş komandadı. Bu mövsüm avrokuboklarda çıxış etdilər. Artıq 3-cü oyundu ki, qol vurduğumuz matçda üstünlüyü qoruyub saxlaya bilmirik. Bu, bir çox futbolçularımızın təcrübəsinin olmaması ilə əlaqədardı. Amma məndə geri çəkilmək yoxdu. Çatışmayan cəhətlərimiz üzərində çalışacağıq".
Digər xəbərlər
