Misli premyer-liqasının 2-ci turunda “Qəbələ” “Zirə”yə məğlub oldu - 1:2.

Oyunsonrası mətbuat konfransında Kaxaber Sxadadze jurnalistlərin suallarını cavabladı.

- Gərgin oyun alındı. Bizə təcrübə lazımdı. 19-20 yaşlı futbolçudan çox şey gözləyə bilmirik. Ümumi götürəndə yaxşı oynadıq.

- Nicatın qolundan əvvəl ona barmaq silkələdiz və o, əzmkarliq göstərərək qol vurdu. Bu qolu siz vurduz, yoxsa Nicat?
- (gülür) Nicat qolu özü vurdu. O, robot deyil (gülür). Lazım olan nöqtədə oldu və qol vurdu.

- Ehtiyat oyunçular skamyanız kasaddı. Bu sizə problem yaratmayacaq?
- Bəli, belədi. İmkanlarımız azdı.

- Demək olar ki, rəqib daha çox ustalıq göstərdi? Axı Eşqinin səhvi təcrübəsizlikdən daha çox ustalıq çatışmazlığı idi.
- Bir-birinə yaxın sözlərdi. Texniki cəhətdən ikisi də eyni mənadadı. Amma daha çox təcrübəsizlik idi. “Zirə”də bu var idi. Eşqin ötən mövsüm xeyli zədəli oldu. Yaxşı olar ki, başqasının səhvi üzərindən öyrənəsən, heyif ki, bu dəfə belə oldu. Biz ona inanırıq.

- Erkən qol vurduz və hesabda önə keçdiz. Amma ilk hissə ərzində artıq hesabda geri düşdüz. Bu sizi narahat etmir?
- Sadə oynamalıyıq. Qolu özümüz-özümüzə gətirdik.

- Hansı futbolçularınız milli komandamızda oynamağa layiqdi?
- Milliyə nə qədər çox oyunçu getsə, o qədər sevinərəm. Şahin getdi. Belə futbolçular nə qədər çox olsa, o qədər yaxşıdı. Belə potensiallı futbolçularımız var.

MÜZƏFFƏR QULUZADƏ