ABŞ-nin 47-ci prezidenti Donald Tramp Ağ Evin ərazisində qarışıq döyüş növləri üzrə UFC turnirinin keçiriləcəyi tarixi açıqlayıb.

"Football-plus.az" xəbər verir ki, o, bu barədə ABŞ Hərbi Dəniz Qüvvələrinə həsr olunmuş paradda çıxışı zamanı deyib.

Tramp bildirib ki, gələn il iyunun 14-də Ağ Evin ərazisində böyük UFC döyüşü keçiriləcək. Yeri gəlmişkən, həmin gün Tramp həm də 80 illik yubileyini qeyd edəcək. Artıq Konor Makqreqor, Con Cons, Merab Dvalişvili, İliya Topuriya və Hamzat Çimayev kimi UFC ulduzları bu tədbirdə iştirak etmək istədiklərini açıqlayıblar.

Turnirin təşkilati işləri ilə şəxsən UFC prezidenti Dana Uayt məşğuldu. Onun sözlərinə görə, hazırda logistika məsələləri həll olunur və iştirakçı siyahısının tərtibinə gələn ilin fevralında başlanacaq.