FİFA prezidenti Canni İnfantino ilə ABŞ prezidenti Donald Tramp arasında görüş keçirilib.

“Football-plus.az” xəbər verir ki, görüşdə həm iyunda 32 komandanın iştirakı ilə keçiriləcək Klublararası Dünya Çempionatı, həm də DÇ-2026 ilə bağlı məsələlər müzakirə olunub.

Hər iki turnirə bilindiyi kimi ABŞ ev sahibliyi edəcək. Amma DÇ-2026-ya ABŞ tək yox, Kanada və Meksika ilə birlikdə ev sahibliyi edəcək. İndidən irəli sürülən mülahizələrə görə turnirin gedişində başqa ölkələrdən Amerikaya ən azı 8 milyon futbolsevər gələcək. Bu arada Trampla İnfantino təkbətək görüşün ardından birlikdə jurnalistlər önünə çıxaraq onlara ünvanlanan sualları cavablandırıblar.

Bir jurnalistin Rusiyanın mundiala buraxılıb-buraxılmayacağı ilə bağlı sualı Trampın təəccübünə səbəb olub. Sən demə ağ evin rəhbəri Rusiyanın Ukraynaya hərbi təcavüzə görə həm klub, həm də yığma səviyyəsində yarışlardan kənarlaşdırıldığını bilmirmiş. O, həmin məqamda üzünü İnfantinoya tutaraq bu olayın ona izah edilməsini istəyib. FİFA prezidenti isə ''bəli, onlar cəzalanıblar, amma ümid edək ki, bu mövzuda bir yenilik baş verəcək və sülh elan olunacaq. O zaman Rusiya da yarışlara qayıdacaq. Ümidimiz məhz bu yöndədi'' ifadəsini işlədib. Bundan başqa Trampa DÇ-2026-nın gedişində Fələstin lehinə tezahürat səsləndirən futbolsevərlərə qarşı hər hansı bir sanksiya tətbiq olunub-olunmayacağı ilə bağlı da sual ünvanlanıb. Trampın cavabı belə olub: