A seriyasında 25-ci tur lider üçün ikiqat düşərli oldu. “Flamenqo” qələbə qazandı, əsas izləyicisi isə məğlubiyyətə uğradı. Nəticədə lider ilə “Kruzeyro” arasındakı xal fərq 4-ə yüksəldi.

"Football-plus.az" xəbər verir ki, “Flamenqo” əvvəlki turun “Vasku da Qama” ilə ev oyununda gözlənilmədən xal itirmişdi. Amma 1:1 hesablı heç-heçə liderin mövqeyini qorumasına mane olmamışdı.

“Korintians”a qarşı səfər oyununda Filipe Luisin komandasının işi heç də asan olmadı. Bu mövsüm o qədər də yaxşı təsir bağışlamayan ev sahibləri ilk hissədə güclü rəqibinin həmlələrinin qarşısını almağı bacardılər. Üstəlik fasilədən dərhal sonra hesabı açdılar. Ancaq Yuri Albertonun vurduğu qol san paulululara yalnız 8 dəqiqə sevinc gətirdi. De Arraskaeta 55-ci dəqiqədə Karraskalın ötürməsi ilə hesabı bərabərləşdirdi. Uruqvaylı yarımmüdafiəçi bu mövsüm çempionatda 14-cü qolunu vurmaqla bombardirlərin siyahısında 2-ci yerdəki mövqeyini möhkəmləndirdi. Bundan sonra meydanda güzəştsiz mübarizə yaşandı. Matçın heç-heçə sona çatmaq ehtimalı getdikcə artsa da, meydana 81-ci dəqiqədə çıxan Arauxo qonaqlara qələbə gətirən qolu vurdu. Əzmkar qələbə “Flamenqo”nun lider mövqeyini möhkəmləndirdi. Rio de janeyroluların ehtiyatda bir təxirə salınan oyununun olduğunu da qeyd edək.

“Flamenqo” indi “Kruzeyro”dan 4 xal öndədi. Tura 2-ci yerdə başlayan Leonardo Jardimin komandası azarkeşlərini məyus etdi. Belu orizontelilər səfərdə “Vasku da Qama”dan xal ala bilmədilər. Amma iki cavabsız qolla uduzması “Kruzeyro”nun 2-ci pillədə qalmasına mane olmadı.

Çünki tura 3-cü pillədə başlayan “Palmeyras” da büdrədi. Ötən mövsümün vitse-çempionu da hesabına xal yaza bilmədi. Abel Ferreyranın komandası səfərdə “Bayya”ya minimal hesabla uduzdu. 4:1 hesablı ardıcıl iki qələbədən sonra büdrəyən “yaşıllar”ın liderlər qrupundakı mövqeyi bir qədər zəiflədi. Ehtiyatda iki təxirə salınan oyunu olan “Palmeyras” liderdən 5 xal geri düşdü.
“Mirassol” da azarkeşlərini məyus etdi. İki tur əvvəl 4-cü yerə çıxan “yaşıl-sarılar” bu dəfə səfərdə “Atletiko Mineyro”ya 0:1 hesabıyla uduzdular. Ev sahiblərinin müdafiəçisi Junior Alonsonun fasilə ərəfəsində qırmızı vərəqə alması da “Mirassol”un işinə yaramadı. A seriyasının debütantı məğlub olsa da, mövqeyini qorudu.

Ona görə ki, “Botafoqo” səfərdə “Fluminense”dən iki cavabsız top buraxdı. Nəticədə son çempion 4-cü yerə çıxmaq şansından yararlana bilmədi. “Ağ-qaralar” 16-cı turdan təxirə salınan oyunda “Qremio”dan bir xal (1:1) aldılar. Davide Ançelottinin komandasının titulu qorumaq şansı bir qədər də azaldı. “Botafoqo” indi liderdən 14 xal geridədi.

25-ci tur
Korintians - Flamenqo 1:2
Yuri Alberto, 47 - De Arraskaeta, 55. Arauxo, 87.

Vasku da Qama - Kruzeyro 2:0
Rayan, 8. Paulo Enrike, 61.

Bayya - Palmeyras 1:0
Ademir, 78.

Atletiko Mineyro - Mirassol 1:0
Vitor Uqo, 8.

Fluminense - Botafoqo RJ 2:0
Kano, 33. Lima, 89.

San Paulu - Seara 0:1
Pedro Enrike, 56.

Fortaleza – Sport Resife 1:0
Lukas Saşa, 44.

Juventude - İnternasyonal 1:1
Enio, 61 - Alan Patrik, 24.

Qremio - Vitoriya 3:1
Andre Enrike, 45+3. Amuzu, 67. Aravena, 89 – Aytor, 49.

Braqantino - Santos 2:2
Lukas Barboza, 30. Pedro Enrike, 78 - L.Dias, 56. Barreal, 60.

16-cı turdan təxirə salınan oyunlar
Qremio - Botafoqo RJ 1:1
Tyaqo Volpi, 90-p. - Kuyabano, 53.

Vasku da Qama - Bayya 3:1
Koutinyo, 45+1. X.Rodriges, 60. Juba, 76-öz qapısına – Sanabriya, 31.

1. Flamenqo 24 16 6 2 50-12 54
2. Kruzeyro 25 15 5 5 39-19 50
3. Palmeyras 23 15 4 4 36-19 49
4. Mirassol 24 11 9 4 41-24 42
5. Botafoqo RJ 25 11 7 7 35-20 40
6. Bayya 24 11 7 6 32-28 40
7. San Paulu 25 9 8 8 27-25 35
8. Fluminense 23 10 4 9 28-29 34
9. Braqantino 25 9 5 11 31-37 32
10. Qremio 25 8 8 9 27-31 32
11. Seara 24 8 7 9 23-23 31
12. Vasku da Qama 25 8 6 11 38-35 30
13. Korintians 25 7 8 10 25-31 29
14. Atletiko Mineyro 23 7 7 9 22-26 28
15. İnternasyonal 24 7 7 10 29-37 28
16. Santos 24 7 6 11 24-34 27
17. Juventude 24 6 4 14 20-46 22
18. Vitoriya 25 4 10 11 20-38 22
19. Fortaleza 24 5 6 13 24-38 21
20. Sport Resife 23 2 8 13 16-35 14

Bombardirlər: Kayo Jorje (Kruzeyro) - 15, De Arraskaeta (Flamenqo) - 14, Veqetti (Vasku da Qama) - 12, Pedro (Flamenqo) - 10, Alan Patrik (İnternasyonal), Reynaldo (Mirassol), Roke (Palmeyras) - 8.