Avqustun son üç günündə A seriyasında 22-ci turun oyunları keçirildi. Qeydə alınan nəticələrdən sonra liderlər qrupunda vəziyyət bir qədər dəyişdi. Bunun səbəbi həm liderin, həm də əsas izləyicisinin büdrəməsi ilə bağlı oldu.

"Football-plus.az" xəbər verir ki, tura 1-ci yerdə başlayan “Flamenqo” evdə iki xal itirdi. Əvvəlki turun “Vitoriya” ilə oyununda rəqib qapısından 8 cavabsız top keçirən Filipe Luisin komandası “Qremio”ya yalnız bir qol vura bildi. Qonaqlar cari mövsümdə heç də xoş təsir bağışlamasalar da, liderdən xal almağı bacardılar. Manu Menezeşin komandası ilk hissədə “Flamenqo”nun hücumlarının qarşısını ala bildi. Lakin fasilədən sonra təzyiqi daha da artıran ev sahibləri De Arraskaeta ilə istəklərinə çatdılar. 53-cü dəqiqədə Pedronun ötürməsi ilə hesabı açan 31 yaşlı uruqvaylı yarımmüdafiəçi cari mövsümdəki qollarının sayını 12-yə çatdırmaqla 2-ci yerdəki mövqeyini qorudu. Ancaq lider qələbə hesabını qoruya bilmədi. Qonaqlar sona yaxın bir neçə yaddaqalan hücum quraraq məğlubiyyətdən qaçdılar. Volpinin 85-ci dəqiqədə penalti ilə vurduğu qol matçın 1:1 hesablı nəticəsini təmin etdi. Bu nəticə “Flamenqo”nun mövqeyinə təsir etmədi. Liderliyini qoruyan rio de janeyroluların ehtiyatda bir təxirə salınan oyununun olduğunu da qeyd edək.

Tura 2-ci yerdə başlayan “Palmeyras” liderin büdrəməsindən yararlana bilmədi. Ötən mövsümün vitse-çempionu da hesabına minimum xal yazdı. Səfərdə “Korintians”la qarşılaşan Abel Ferreyranın komandası 1:1 hesabına razılaşdı. Çempionatda ardıcıl 3 qələbədən sonra San Paulu derbisində itirdiyi iki xal “yaşıllar”a mövqeyini itirmək bahasına başa gəldi: “Palmeyras” 3-cü yerə düşdü.

Ona görə ki, vitse-çempionun izləyicisi “Kruzeyro” azarkeşlərini yenə qələbə ilə sevindirdi. Belu orizontelilər evdə “San Paulu”ya minimal hesabla qalib gəldilər. 64-cü dəqiqədə hesabı açan Mateus Pereyra Leonardo Jardimin komandasının 2-ci pilləyə yüksəlməsində böyük rol oynadı. “Kruzeyro” indi lider “Flamenqo”dan 3 xal geri qalır.

“Mirassol”a 1:5 hesabıyla uduzan “Bayya” 4-cü yerdəki mövqeyini qorudu. Bu da var ki, həm “Mirassol”, həm də “Braqantino”ya 4:1 hesabıyla qalib gələn “Botafoqo” turu maksimum nəticə ilə başa vurmaqla “Bayya” ilə xal fərqini birə endirdilər.

22-ci tur
Flamenqo - Qremio 1:1
De Arraskaeta, 53 – Volpi, 85-p.

Korintians - Palmeyras 1:1
Pikeres, 26-öz qapısına – Roke, 14-p.

Kruzeyro - San Paulu 1:0
Mateus Pereyra, 64.

Mirassol - Bayya 5:1
Joao Viktor, 2. Çiko, 22. Ronaldo, 30. Alesson, 59. Renato, 75 – Nestor, 88.

Botafoqo RJ - Braqantino 4:1
Danilo, 6. Nyuton, 33. Savarino, 45+2. Montoro, 90+2 – Con Con, 15.

Seara - Juventude 0:1
Mandaka, 90+5.

Santos - Fluminense 0:0

Vitoriya - Atletiko Mineyro 1:0
Erik, 6.

İnternasyonal - Fortaleza 2:1
Alan Patrik, 21-p. Vitinyo, 51 – Lukka Prior, 31.

Sport Resife - Vasku da Qama 2:3
Lukas Lima, 25-p. Ramon, 74 – Moreyra, 8. Koutinyo, 43. Veqetti, 49-p.

1. Flamenqo 21 14 5 2 45-10 47
2. Kruzeyro 22 13 5 4 35-15 44
3. Palmeyras 20 13 4 3 28-16 43
4. Bayya 20 10 6 4 28-22 36
5. Botafoqo RJ 20 10 5 5 30-13 35
6. Mirassol 20 9 8 3 35-20 35
7. San Paulu 22 8 8 6 26-23 32
8. Braqantino 22 9 3 10 27-32 30
9. Fluminense 20 8 4 8 25-28 28
10. İnternasyonal 21 7 6 8 25-29 27
11. Seara 21 7 5 9 19-20 26
12. Korintians 22 6 8 8 23-28 26
13. Qremio 21 6 7 8 20-26 25
14. Atletiko Mineyro 20 6 6 8 20-24 24
15. Vasku da Qama 21 6 4 11 30-31 22
16. Santos 21 6 4 11 20-31 22
17. Vitoriya 22 4 10 8 19-32 22
18. Juventude 21 6 3 12 19-41 21
19. Fortaleza 21 3 6 12 20-34 15
20. Sport Resife 20 1 7 12 14-33 10

Bombardirlər: Kayo Jorje (Kruzeyro) - 15, De Arraskaeta (Flamenqo), Veqetti (Vasku da Qama) - 12, Pedro (Flamenqo) - 10, Pedro Raul (Seara), Reynaldo (Mirassol), Renato Kayzer (Vitoriya) - 7.