Rodriqo Bentankur “Tottenhem”də daha uzun müddət oynayacaq. O, klubdan aldığı yeni təklifi müsbət cavablayıb.

"Football-plus.az" xəbər verir ki, “Tottenhem” uruqvaylı futbolçu ilə müqaviləni yeniləyib.

İngiltərə klubunun mətbuat xidmətinin məlumatına görə, yarımmüdafiəçi ilə imzalanan müqavilənin müddəti açıqlanmayıb. Rodriqo “Tottenhem”də 2022-ci ildən çıxış edir. O, bu mövsüm 9 oyunda meydana çıxıb. Cənubi amerikalı London klubu ilə ümumilikdə 122 oyunda iştirak edib, 9 qol vurub və 8 məhsuldar ötürmə verib. Onun əvvəlki müqaviləsinin müddəti 2026-cı ilin yayına qədər nəzərdə tutulmuşdu.

Yeri gəlmişkən, “Tottenhem” tezliklə heyətinə yeni oyunçu cəlb edəcək.

“Mirror” qəzetinin yaydığı xəbərə görə, London klubu “Brentford”dan Natan Kollinzi sıralarına qatacaq. Keçidin yanvarda reallaşacağı gözlənilir. Natan bu mövsüm 8 matçda meydana çıxıb. Onun “Brentford” ilə müqaviləsinin müddəti 2029-cu ilin yayına qədərdi.