“Tottenhem” iki oyunçusu ilə müqaviləni yeniləyib. Onlardan biri komandanın kapitanıdı.

"Football-plus.az" xəbər verir ki, kapitan sarğısını yenicə qoluna keçirən Kristian Romero ilə müqavilənin müddəti uzadılıb. London klubunun mətbuat xidmətinin məlumatına görə, argentinalı mərkəz müdafiəçisi ilə uzunmüddətli sözləşmə imzalanıb. Onun müqaviləsinin dəqiq müddəti hələlik açıqlanmayıb.

27 yaşlı futbolçu “Tottenhem”də 2021-ci ildən çıxış edir. 2022-ci ildə Argentina yığması ilə dünya çempionu olan Kristian londonlularla bu il Avropa Liqasında qalib gəlib.

Ced Spenslə də müqavilə yenilənib. Klubun mətbuat xidmətinin məlumatına görə, 25 yaşlı müdafiəçi 2028-ci ilin yayına qədər aö-qara formanı daşımaq hüququ qazanıb. Ced “Tottenhem”ə 2022-ci ilin iyulunda “Middlsbro”dan keçib. O, payataxt komandasında 42 oyuna çıxıb və 2 qol vurub.