Destini Udocinin bir sıra klubların hədəfinə düşməsi “Tottenhem” rəhbərliyini narahat edir.

İngiltərə klubu italiyalı müdafiəçisi ilə yeni müqavilə imzalamağa hazırlaşır. İnsayder Fabritsio Romanonun verdiyi məlumata görə, tərəflər artıq yeni sözləşmə üçün razılığa gəliblər. Rəhbərlik 21 yaşlı futbolçu ilə 2029-cu ilin yayına qədər müddəti nəzərdə tutulan müqavilə bağlamağa yaxındı.

Udoci yayda 18 milyon avroya “Udineze”dən transfer edilib. O, bu mövsüm komandada bütün yarışlarda 14 matça çıxıb, 1 qol vurub və 2 qolun ötürməsini verib. Müdafiəçinin London klubu ilə hazırkı müqaviləsinin müddəti 2026-cı ilin iyun ayının sonuna qədərdi.