Lamin Yamalın səhhəti ilə bağlı məlumat yayılıb.

“Barselona”nın hücumçusunun Çempionlar Liqasının liqa mərhələsinin “Nyukasl”la oyununu buraxacağı məlum idi. Buna səbəb 18 yaşlı oyunçunun qasıq nahiyəsindəki zədəsidi. Xatırladaq ki, yeniyetmə futbolçu sentyabrın 14-də La Liqanın 4-cü turunun “Valensiya” ilə keçirilən oyununda (6:0) iştirak edə bilməyib. Komandanın baş məşqçisi Hans-Diter Flik Yamalın İspaniya milli komandası ilə son oyunlar üçün səfərə gedərkən ağrılar hiss etdiyini bildirib.

“El Mundo Deportivo” qəzeti Laminin sıraya təxminən iki həftə sonra dönəcəyini xəbər verib. Yeri gəlmişkən, o, bu mövsüm “Barselona”nın heyətində La Liqada 3 oyunda iştirak edib, 2 qol vurub və 3 məhsuldar ötürmə edib.