Elitada yeni “Araz-Naxçıvan”... - bir qrup Adil Şükürovun qalmasını istəyir, bir qrup yox
Misli premyer-liqasının 3-cü turunda “Kəpəz” nominal ev sahibi kimi “Araz-Naxçıvan”ı qəbul etdi.
PFL-in saytında yer alan protokolda tamaşaçı sayı 200 göstərilsə də, 100 azarkeşin olduğunu belə demək mümkün deyil. Bəlkə də texniki işçilər, klub rəsmiləri və media nümayəndələri də tamaşaçı kimi qeyd olunub.
Gəncəlilər üç azarkeş qrupu ilə təmsil olunurdu, hərəsində uzağı 20-30 nəfər. Nəyə görə azarkeşlər birləşmir? Hə, bir də “Kəpəz”in hər oyununa 100-200 azarkeş gələn “Araz-Naxçıvan”dan fərqi nədi ki? Bu sualları klubun azarkeş qrupu “Xəmsə”nin rəhbəri Müşfiq Məmmədova ünvanladıq:
“Kəmiyyət Gəncədə düzələcək. Bu da komandanın oyununa təsir edir. “Karvan-Yevlax”la oyuna 60 nəfər aparmışdıq. Çoxlu fanklubun olmasına bir şey demirəm. Hərənin öz düşüncəsi var, fikir ayrılıqları olur. Məsələn, bir qrup Adil Şükürovun qalmasını istəyir, bir qrup yox. Belə məsələlər var”.
MÜZƏFFƏR QULUZADƏ
Digər xəbərlər
