“Sayt və qəzetiniz vasitəsi ilə bizi təbrik edən hərkəsə minnətdarlığımızı bildiririk. Tək idmanda yox, başqa sahələrdə də bizi dəstəkləyən varsa, özü bir uğurdu. Ölkəmizin ilk aazarkeş qruplarındanıq. Ən uzun müddət fəaliyyət göstərən azarkeş qrupu olacağımızı düşünürəm. Xüsusi bir tədbir planlaşdırılmamışdı. Azarkeş qrupu üzvləri ilə 16 il ərzində başımıza gələnlərdən danışdıq. Böyük xatirələr canlandı. Yaddaşda qalan anlar çoxdu. “Kəpəz”in böyük ehtimalla elitada qalmasını da qeyd etdik. Atalar müəyyən zaman fasiləsini bir igidin ömrü deyərdi. Bu 16 il də bir igidin ömrüdü. Soyuq hava şəraitində elitada qalmaq uğrunda mübarizə aparan komandanı sonadək dəstəkləmək igidlik göstəricisidi. Digər azarkeş qrupları kimi biz də ölkə futboluna rəng qatdıq. Yolumuza davam edirik”.