“Azarkeşlərlə bağlı problem var. Biz onlarla işləyirik. Komandanın Naxçıvandan uzaqda olması da təsir edir. Bu yöndə işlər gedir. Bəzən də oyunlar qeyri-iş günlərinə düşməyəndə komandaya azarkeş cəlb etmək bir az da çətinləşir. Ramazan bayramı olduğuna görə oyunun başlama vaxtı orucun açılmasına təsadüf edir. Azarkeşlər gəlib oyuna çata bilmir. Təbii ki, bunlar bəhanə deyil. Azarkeş sayı bizi də narahat edir. Naxçıvana qayıdandan sonra belə problemlərin olmayacağına inanırıq. Stadionla bağlı müəyyən işlər aparılır. AFFA-nın müəyyən əməkdaşları da stadionu təftiş etmişdi. Biz də gözləyirik. Yerli hakimiyyət orqanları da işlər görür. Növbəti mövsümdən etibarən doğma azarkeşlər önündə oynayacağımıza ümid edirəm. Stadionu dəyişmək fikrimiz yoxdu. Avrokuboklarda da mübarizə aparsaq, rəqiblərimizi “Liv Bona Dea Arena”da qəbul edəcəyik”.