“Sözügedən azarkeş qrupu masazırlı futbol fanatları tərəfindən yaradılıb. Artıq bir neçə həftədi fəaliyyət göstərir. Bununla yanaşı, “Soldati Di Sabah” fanklubu da fəaliyyətini davam etdirir. Hər iki azarkeş qrupu istər ev, istərsə də səfər oyunlarımızda komandaya dəstək nümayiş etdirir. Amma qeyd etmək istərdim ki, bu azarkeş qrupları ilə yanaşı, heç bir fankluba üzv olmayan, lakin ev oyunlarımıza gələrək komandamıza dəstək olanlar da var. Ümumiyyətlə, son matçlarda “Sabah”ın ev oyunlarına gələn tamaşaçı sayında artım müşahidə olunur ki, bu da sevindirici haldı. Həm azarkeş qruplarına, həm də müstəqil tərəfdarlara dəstəklərinə görə təşəkkür edirik”.