Rusiya klubu müflis oldu

“Ximki” müflis elan olunub.

"Football-plus.az" xəbər verir ki, Rusiya klubu büdcə üzrə borc səbəbindən müflislikdən qaça bilməyib. Bu qərarı Moskva vilayəti Arbitraj Məhəməsi çıxarıb. Klubun büdcə üzrə 448 milyon rubldan çox borcunun olduğu bildirilib.

Xatırladaq ki, “Ximki” Rusiya premyer-liqasının son mövsümündə 12-ci yeri tutub. Buna baxmayaraq, cari mövsüm üçün lisenziya ala bilməyib. Nəticədə klub iyun ayında fəaliyyətini dayandırmalı olub. Bir müddət sonra isə peşəkar statusunu itirdiyi üçün rəsmi turnirlərdən kənarlaşdırılıb.