“Tottenhem” heyətini yeni oyunçu ilə gücləndirib.

"Football-plus.az" xəbər verir ki, London klubu “Leyptsiq”in yarımmüdafiəçisi Xavi Simonsu sıralarına qatıb.

İnsayder Fabritsio Romanonun məlumatına görə, niderlandlı futbolçu artıq yeni klubu üçün tibbi müayinədən keçib. Transfer paytaxt klubuna 60 milyon avroya başa gələcək. Romano gənc futbolçu ilə müddəti 2032-ci ilin iyununa qədər razılaşdırılan müqavilə imzalanacağını da bildirib.

Xavi “Leyptsiq”də 2023-cü ildən çıxış edirdi. 22 yaşlı futbolçu bu mövsüm iki oyuna çıxıb, 1 qol vurub və 1 məhsuldar ötürmə verib.