Transfer dönəminin sonlarına yaxın fəallaşan ''Beşiktaş'' daha bir keçidi tamamlamaq üzrədi.

Tammi Abraham ilə irəlidə rəqabət apara biləcək və sonradan oyuna daxil olaraq faydalı olacaq bir futbolçu axtarışında olan İstanbul nəhəngi ''Atalanta''nın üzvü Əl Bilal Ture ilə anlaşıb. 23 yaşlı forvard son detalları razılaşdırmaq və tibbi müayinədən keçmək üçün dünən İstanbula gəlib. Keçidin maddi detalları barədə məlumat verilmir.

''Transfermarkt''da bu futbolçunun dəyəri 15 milyon avrodu. Ture Kot d'İvuarda doğulsa da, Mali yığmasının şərəfini qoruyur. Peşəkar karyerasına ''Reyms''də başlayan, daha sonra ''Almeriya''ya yollanan bu futbolçu 2023-cü ildən ''Atalanta''ya məxsusdu. Berqamolular onun istedadına güvənərək 30 milyon avro ödəmişdilər. Amma tez-tez zədələnən Ture nə burda, nə də ötən mövsüm icarə əsasında şərəfini qoruduğu ''Ştutqart''da ümidləri doğrulda bildi.

O, ötən mövsüm Almaniya klubunda yalnız 17 rəsmi oyuna çıxaraq aktivinə 3 qol, 1 məhsuldar ötürmə yaza bildi. Mali yığmasında isə o, 25 oyuna 9 qol vurub.

Qeyd edək ki, Ture bu yay ''Beşiktaş''ın Tammi Abraham, Orkun Kökçü, David Yurasek, Uilfrid Ndidi, Taylan Bulut və Rıdvan Yilmazdan sonra reallaşdırdığı 7-cı transferdi.