Nikolas Cekson böyük ehtimalla tezliklə klubunu dəyişəcək.

“Çelsi” hücumçunu icarəyə verməyə yaxındı. Jurnalist Ben Ceykobsun verdiyi məlumata görə, icarənin qiyməti 10 milyon funt sterlinq (təxminən 11,5 milyon avro) olacaq. Hazırda “Aston Villa” rəhbərliyi futbolçunu transfer etmək imkanını nəzərdən keçirir. Onun həmçinin “Nyukasl” və ya “Milan”a keçidi də istisna olunmur.

Məlumatda qeyd olunur ki, “Çelsi” oyunçu üçün tələblərini aşağı salarsa, Ceksona olan maraq daha da artacaq. Hazırda londonlular hücumçunu 80 milyon funt sterlinqə (92,8 milyon avro) satmaq istəyirlər.

Nikolasın “Çelsi” ilə müqaviləsinin müddəti 2033-cü ilin yayına qədərdi. O, komandada 81 oyun keçirib, 30 qol vurub və 12 məhsuldar ötürmə edib.