“Çelsi” uzun müddətdi hədəfə aldığı Estevan Villianın transferini realaşdırmağa yaxındı.

İngiltərə klubu artıq yeniyetmə futbolçu ilə müqavilənin şərtlərini razılaşdırıb.
Londonlular artıq “Palmeyras”a rəsmi təklif də irəli sürüblər. Braziliya klubunun rəhbərliyi yetirməsini heç də ucuz qiymətə satmaq niyyətində deyil. Fabritsio Romano “Çelsi”nin yeniyetməyə görə 40 milyon avro təzminat ödəyəcəyini və bonus kimi daha 25 milyon avro xərcə düşə biləcəyini xəbər verib. Tanınmış jurnalist Estevanın Avropaya 2025-ci ilin yayında yollanacağını da bildirib.

Xatırladaq ki, “Palmeyras”ı çalışdıran Abel Ferreyra bir neçə həftə əvvəl klub rəhbərliyindən yarımmüdafiəçini “Çelsi”yə satmamağı xahiş etmişdi. O, istedadlı futbolçunun 2027-ci ilə qədər komandada qalmasını istəyir. Estevan San Paulu klubunda indiyədək 17 oyun keçirib, 3 qol vurub və 1 məhsuldar ötürmə edib.