“Red Bull” və “Fors İndiya” komandalarının sabiq pilotu Serxio Peres yenidən “Formula-1” üzrə dünya çempionatında görünə bilər.

Bildiyiniz kimi, gələn il “Kadillak” da 11-ci komanda kimi turnirin iştirakçıları sırasına qoşulacaq. Peres sosial şəbəkə hesabında müəmmalı paylaşım edib:

“Gpblog” xəbər verir ki, 35 yaşlı meksikalı “Kadillak”la müqavilə imzalaması şərəfinə yeni geyim dəsti buraxacaq.

"PlanetF1" portalı da vəziyyətdən xəbərdar olan bir neçə qaynağa istinadla Peresin “Kadillak”la müqaviləni razılaşdırdığını xəbər verib. Bununla bağlı rəsmi açıqlamanın sentyabrın 5-7-də Montsada keçiriləcək İtaliya mərhələsində veriləcəyi gözlənilir. Xatırladaq ki, “Kadillak” dünya çempionatında ABŞ-ni təmsil edəcək.

Ötən mövsüm “Red Bull”un heyətində çıxış edən Peres ümumi sıralamada 152 xalla 8-ci yeri tutub. Həmin vaxt onun komanda yoldaşı Maks Ferstappen dünya çempionu olub. Peres mövsümün sonunda Avstriya komandasından ayrılıb.