“Red Bull”un piloti Serxio Peres adı çəkilən komanda ilə yeni müqavilənin şərtlərini razılaşdırıb. Bu haqda xəbəri “Bild” yayıb.

Həmin qaynaq iddia edir ki, 34 yaşlı pilot “Red Bull” ilə 2025 mövsümünün sonuna qədər müqavilə bağlayıb.

Komanda sonradan həmin müqavilənin vaxtını daha birilliyə uzada bilər.

Peres 2021-ci ildən bəri “Red Bull”un şərəfini qoruyur. Meksikalı pilot cari mövsümün ilk 8 mərhələsində 107 xal toplamaqla 5-ci pillədə qərarlaşıb. Onun komandası “Red Bull” isə 276 xalla Mühəndislər kubokunda liderdi.