Çempionlar Liqasının pley-offunda “Ferentsvaroş"la qarşılaşacaq "Qarabağ" sabah matçın keçiriləcəyi Budapeştə yollanacaq.

Bu barədə "Football-plus.az"a Ağdam təmsilçisinin mətbuat xidmətinin rəhbəri Anar Hacıyev məlumat verib. Klub rəsmisi komandanın çarter reysiylə birbaşa Macarıstanın paytaxtına uçacağını bildirib.

Onun sözlərinə görə, "köhlən atlar"ın baş məşqçisi Qurban Qurbanovun oyunöncəsi mətbuat konfransı Bakı vaxtı ilə saat 21.00-da, komandanın açıq məşqi isə 21.30-da başlayacaq. Bu məşq "Ferents Puşkaş" stadionunda reallaşacaq.

Xatırladaq ki, "Ferentsvaroş" - "Qarabağ" qarşılaşması avqustun 19-u, Bakı vaxtı ilə saat 23.00-da başlayacaq.

KƏNAN BAHADIR