''Fənərbaxça''ya keçidi baş tutmayan ''Trabzonspor'' və Türkiyə yığmasının qapıçısı Uğurcan Çakır ilə bağlı yeni transfer xəbəri var.

Belə ki, Fransanın iddialı klublarından olan ''Monako'' bu qapıçının şərtləri ilə maraqlanıb. Əslində moneqasklılar ən birinci Mark-Andre Ter Ştegen və Vanya Mikinkoviç-Saviçlə danışıqlar aparmışdılar. Amma bu qapıçıların keçidini bitirmək mümkün olmadığından ''Monako'' diqqətini Uğurcana yönəldib. Qapıçı problemini tezliklə yoluna qoymaq istəyən ''Monako''nun bu həftə ərzində ''Trabzonspor''a 15 milyon avroluq rəsmi təklif irəli sürəcəyi gözlənilir.

Qeyd edək ki, ötən ay ''Fənər'' 29 yaşlı bu qapıçıya ciddi maraq göstərirdi. Amma başqan Ərtuğrul Doğan ''Fənər''dan 20 milyonluq təklif gəlsə də, Ugurcanı onlara satmaram'' deyərək iddialara son qoymuşdu. Bununla belə rəhbərlik Uğurcanı yalnız Avropaya buraxacağını açıqlamışdı. Ona görə də Avropadan qənaətbəxş təklif gələcəyi təqdirdə Çakır böyük ehtimalla Trabzonu tərk edəcək.