''Trabzonspor'' və Türkiyə yığmasının qapıçısı İstanbul nəhənginə keçir
''Trabzonspor'' və Türkiyə yığmasının qapıçısı Uğurcan Çakır böyük ehtimalla karyerasını İstanbul nəhənglərindən birində davam etdirəcək.
Ona həm ''Fənərbaxça'', həm də ''Qalatasaray'' ciddi maraq göstərir. Bunu klubun idarə heyətinin üzvü Əli Kamal Dənizci də təsdiqləyib:
''Uğurcanın rəqiblərimizdən birinə yollanmasının fanatlarımızı üzəcəyini bilirik. Mənə görə onun üçün 15 milyon avro da azdı. Bu cür qapıçını 25 milyon avrodan aşağı qiymətə satmaq düzgün deyil. ''Qalatasaray'' və ''Fənərbaxça''nın marağı var. Hələ heç nə bəlli olmadığı üçün konkret bir söz demək olmur. Amma məncə, ''Fənərbaxça'' daha istəkli görünür''.
Türkiyə mətbuatının iddiasına görə Uğurcanla ''sarı-lacivərdlilər'' arasında artıq bütün prinsipial məsələlərdə razılıq əldə olunub. 29 yaşlı qapıçı bu kluba keçmək istədiyini ''Trabzonspor'' rəhbərliyinə bildirib. Bu transferi sürpriz adlandırmaq olar. Çünki ''Trabzonspor''la ''Fənər'' arasında münasibətlərin necə gərgin olduğu hər kəsə məlumdu. Üstəlik Fernando Muslera ilə yollarını ayıran ''Qalatasaray''ın indiki anda qapıçıya daha çox ehtiyacı var. ''Fənər'' isə Dominik Livakoviç və İrfan Can Eğribayat kimi qapıçılara sahibdi.
''Trabzonspor''un öz yetirməsi olan və kapitan sarğısını daşıyan Uğurcanın transfer dəyəri 9,5 milyon avrodu. Onun qaradənizlilərlə 2027-ci ilə qədər müqaviləsi var.
Digər xəbərlər
