Yavaş-yavaş yeni mövsümün planlarını cızmağa başlayan ''Fənərbaxça''da gənc ulduz Arda Gülər ilə bağlı transfer xəbəri var.

"Football-plus.az" xəbər verir ki, bu mövsüm 18 yaşlı yarımmüdafiəçini diqqətlə təqib edən Avropa klubları artıq ''sarı-lacivərdlilər''in qapısını rəsmi təkliflərlə döyməyə başlayıblar. Türkiyə mətbuatının yazdığına inansaq, ''Fənər''ə 2 təklif birdən gəlib! Super istedada görə Dortmund ''Borussiya''sından 22 milyon avro, ''Ayaks''dan 20 milyon avroluq rəsmi təklif gəlib. Onların hər ikisi sonrakı satışdan 20 faiz pay da təklif ediblər. Arda Avropada oynamağın əleyhinə deyil. Amma bu satışla bağlı qərarı yalnız ''Fənərbaxça'' rəhbərliyi verəcək. Meneceri olmayan Arda rəhbərliyin qərarına əsasən hərəkət edəcək. Gülər bu mövsüm 32 rəsmi oyunda 6 qol, 5 məhsuldar ötürməlik performans sərgiləyib.