Viktor Osimhen yeni mövsümə İngiltərədə başlaya bilər.

"Football-plus.az" xəbər verir ki, “Liverpul” rəhbərliyi “Mançester Yunayted”in də hədəfində olan “Napoli”nin 26 yaşlı hücumçusunun transferi ilə bağlı danışıqlara başlayıb.

“TEAMtalk” nəşrinin məlumatına görə, İngiltərə klubu nigeriyalı futbolçunu heyətinə qatmaq üçün Federiko Kyeza və Darvin Nunyesi “Napoli”yə verməyə hazırdı. Son günlərdə tərəflər arasında ilkin təmaslar baş tutub.

26 yaşlı oyunçunun Çempionlar Liqasında çıxış edən və İngiltərənin son çempionuna keçidə isti yanaşdığı vurğulanır. Lakin mümkün transferin qarşısını ala biləcək əsas amil Osimhenin yüksək maaş tələbi ola bilər.

Qeyd edək ki, “Liverpul” Nunyes ilə Kyezanı satsa, ildə təxminən 15 milyon funt sterlinq qənaət etmiş olacaq. Bu vəsaitin Osimhenin maaşı üçün xərclənməsi planlaşdırılır.