"Neftçi" legioneri ilə müqaviləni ləğv etdi
“Neftçi” futbolçusu Dembo Darbo ilə yollarını ayırıb.
"Football-plus.az" xəbər verir ki, 26 yaşlı hücumçu ilə müqaviləyə qarşılıqlı razılıq əsasında xitam verilib.
Paytaxt təmsilçisi qambiyalı futbolçuya gələcək karyerasında uğurlar arzulayıb.
2024-cü ilin avqustunda transfer olunan Darbo "ağ-qaralar"ın heyətində 19 rəsmi oyun keçirib, 5 qol vurub.
Xatırladaq ki, "Neftçi" bu yay Yeqor Boqomolski, Azər Əliyev, Azər Salahlı, Yuri Matias, Rəhman Hacıyev, Höccət Haqverdi, Rüstəm Samiqullin, Robert Bauer və Rafael Quzzo ilə də yollarını ayırıb.
