Sizi "voetbalprimeur.be" nəşrinin "Qarabağ"ın futbolçusu Toral Bayramov haqda iddiasıyla tanış etmişik.

Xatırladaq ki, həmkarlarımız Belçikanın "Standard" klubunun gənc oyunçuyla maraqlandığını iddia edir.

Daha əvvəl Toralın meneceri Tural Əsgərovun bu barədə fikirlərini təqdim etmişik. O, saytımıza açıqlamasında belçikalıların birbaşa Toralla əlaqə yaratmadığını bildirib.

Bəs "Standard" "Qarabağ"a rəsmi müraciət ünvanlayıbmı?

Bu sualla Ağdam təmsilçisinin mətbuat xidmətinin rəhbəri Anar Hacıyevə müraciət etdik. O, "Football-plus.az"a bu klubdan hansısa təklif almadıqlarını bildirdi.

Xatırladaq ki, Toral Bayramov 2026-cı ilin yayına qədər "köhlən atlar"a məxsusdu. "Transfermarkt"a görə, təcrübəli yarımmüdafiəçinin bazar dəyəri 1,5 milyon avrodu.

KƏNAN BAHADIR