"Harda oynasaq, müvəqqəti oynayacağıq" - "İmişli" nəyi gözləyir?
Gələn mövsüm premyer-liqada çıxış edəcək Aran təmsilçilərinin stadion problemi davam edir.
“Karvan” stadionunu təmir edir, amma nə vaxt bitirəcəyi məlum deyil. “İmişli” isə stadion axtarışındadı.
Deyilənə görə, klub Ağsu şəhər stadionunda oynayacaq. Hətta "CBC Sport" da yayın imkanlarını dəyərləndirmək üçün stadiona baş çəkib. Ağsuda oynamaq perspektivinin nə dərəcədə real olduğunu öyrənmək üçün idarə heyətinin sədri Aqşin Mürsəlovla əlaqə saxladıq:
“Ehtimallardan biri odu ki, Ağsuda oynayaq. Amma bu da ehtimaldı. Dəqiq heç nə deyə bilmirik. Harda oynasaq, müvəqqəti oynayacağıq. Stadionun təmir-bərpa işləri hələ də başlamayıb. Bəzi nüanslara görə yubanır. Əsas məqsədimz doğma stadionumuzda oynamaqdı”.
MÜZƏFFƏR QULUZADƏ
Digər xəbərlər
