“Karvan” süni qazonda oynayacaq - klub rəsmisi dedi
1-ci liqaya yüksələn üç komandadan ikisinin – “Karvan”la “İmişli”nin gələn mövsüm harda oynayacağı məlum deyil. Ot örtüyü üzrə mütəxəssis Fil Şarplsın dediyinə görə, qazon ən gec halda 3 aya tam mükəmməl hala gəlir. Aran klublarının bu işə nə vaxt başlayacağını soruşduq.
Bəhruz Musayev (“Karvan”):
“Ayın 15-dən stadionunun təmir-bərpa işləri başlayacaq. Qazon məsələsini hələ dəqiqləşdirməmişik. 70 faiz ehtimaldı ki, süni ot örtüyü olacaq. Buna rəhbərlik qərar verəcək. Əsas məqsədimiz oyunları Yevlaxda keçirməkdi. Süni qazonun ayyarıma hazır olmaq ehtimalı daha yüksəkdi. Təbii ot örtüyü elədi ki, gec başa gələn işdi. Rayon yeridi. 3 aya hazır olacaq, amma “İmişli”nin stadionu kimi olacaq. 5-6 ay gözləmək lazımdı, bu da oktyabr-noyabra gəlib çıxır. Fikrimiz də budu ki, süni örtüyü tez hazır edib Yevlaxda oynayaq. Kənarda oynasaq, xal itkiləri qaçılmazdı. Azarkeş dəstəyi bizə çox kömək edəcək. Oyuna 1:0 öndə başlayırıq”.
Aqşin Mürsəlov (“İmişli”):
“Buna çempionat bitəndən sonra qərar veriləcək”.
MÜZƏFFƏR QULUZADƏ
