“Karvan” işə başlayıb, “İmişli” gözləyir
Yeni mövsümdə premyer-liqada mübarizə aparacaq “Karvan”la “İmişli”nin stadion problemi yaşadığını bilirsiz.
Klub rəsmiləri “Football-plus.az”a açıqlamada yaxın günlərdə başlayacaqlarını demişdilər. Onlar sosial şəbəkə hesablarında bu barədə heç bir paylaşım etmədiklərinə görə “Karvan”ın mətbuat katibi Bəhruz Musayevdən və “İmişli”nin idarə heyətinin sədri Aqşin Mürsəlovdan mövcud durumun nə yerdə olduğunu soruşduq.
Bəhruz Musayev:
“Stadionun təmir işləri başlayıb, paltardəyişmə otaqlarının təmiri gedir. Stadionun ot örtüyünə də uzağı iyunun 15-dək başlanılacaq”.
Aqşin Mürsəlov: “Hələ ki təmir başlamayıb, yəqin ki, yaxın günlərdə aydınlıq gələr”.
MÜZƏFFƏR QULUZADƏ
Digər xəbərlər
