Kriştiano Ronaldo son vaxtlar haqqında gəzən şayiələrə reaksiya verib.

"Football-plus.az" xəbər verir ki, ulduz futbolçu bu yay klubunu dəyişməyəcək.

Portuqaliya yığmasının hücumçusu karyerasını “Əl-Nəssr”də davam etdirəcək. “Footmercato” nəşrinin məlumatına görə, Ronaldo Səudiyyə Ərəbistanı klubu ilə yeni müqavilə imzalayıb. Razılaşmanın detalları hələlik açıqlanmır. 

Qeyd edək ki, son günlər xarici mətbuatda 40 yaşlı futbolçunun klubunu tərk edəcəyi ilə bağlı xəbərlər yayılmışdı. Buna əsas səbəb kimi komandanın çıxış etdiyi rəsmi turnirlərdə titul qazana bilməməsi göstərilirdi.

Yeri gəlmişkən, Ronaldo yenicə sona çatan mövsümdə “Əl-Nəssr”in heyətində 41 oyuna çıxaraq 35 qol vurub və 4 məhsuldar ötürmə verib. Onun klubla olan əvvəlki müqaviləsinin müddəti iyunun 30-na qədər nəzərdə tutulub.