Kriştiano Ronaldo “Əl-Nəssr” rəhbərliyi ilə görüş keçirib.

Portuqaliyalı hücumçu komandadakı gələcəyi ilə bağlı klub bossları ilə müzakirələr aparıb.

İnsayder Rudi Qalettinin məlumatına görə, tərəflər 39 yaşlı futbolçu ilə yeni müqavilə imzalamaq üçün şərtləri müzakirə ediblər. Danışıqlarda Səudiyyə Ərəbistanının Turizm Nazirliyinin nümayəndələri də iştirak ediblər. Klubun futbolçu ilə müqavilənin müddətinin uzadılması ilə bağlı razılığa gəldiyi qeyd edilir.

Ronaldo “Əl-Nəssr”ə 2022-ci ilin sonunda keçib. Onun klubla müqaviləsinin müddəti 2025-ci ilin yayına qədər nəzərdə tutulub.

Kriştiano bu mövsüm komandada bütün turnirlərdə 9 oyun keçirib, 8 qol vurub və 3 məhsuldar ötürmə edib.