''Beşiktaş''ın hücum xəttini hansı futbolçularla gücləndirmək istədiyi məlum olub.

"Football-plus.az" xatırladır ki, başqan Sərdal Adalı son açıqlamasında bu yay ən azı bir yeni hücumçu alacaqlarını demişdi.

İstanbul nəhəngi son mövsümü icarə əsasında ''Trabzonspor''da keçirən və superliqada 19 qol vurması ilə diqqət çəkən ''Braqa''lı Simon Banza ilə danışıqlara başlayıb.

Konqolu forvard qaradənizlilərin baş məşqçisi Fatih Təkkə ilə müəyyən problemlər yaşadığı üçün komanda onu daimi əsasda transfer etmək istəmədi. ''Braqa'' 29 yaşlı futbolçuya görə 15 milyon avro, icarə haqqı kimi 5 milyon avro tələb edir. Ancaq ''ağ-qaralar'' icarə haqqı kimi 2,5 milyon avro, daha sonra daimi əsasda transfer üçün isə əlavə 7,5 milyon avro təklif ediblər.

İddialara görə Banza ''Beşiktaş''da oynamağa razıdı. Amma o, müqavilə ilə ''Braqa''ya məxsus olduğundan qarşı tərəfin ilk növbədə onun klubu ilə anlaşmasını istəyir.

''Beşiktaş''ın gündəmində yer alan digər forvard isə Tim Klayndinstdi. Əslində ''qartal'' Münhenqladbax ''Borussiya''sının üzvünə çoxdan maraq göstərir. Amma bundesliqa klubu istanbulluların icarə təklifinə hələ də cavab verməyib. Elə Klayndinst özü də Türkiyə gəlməyə tərəddüd edir.

Almaniya yığmasının üzvü olan 29 yaşlı hücumçu son mövsümdə bundesliqada 16 qol vurub.