''Beşiktaş''ın ''Everton''dan heyətinə qatmaq istədiyi məşhur yarımmüdafiəçi Dele Alli ilə bağlı problemlər yaranıb.

Danışıqların ilkin mərhələsində ''Everton'' bu futbolçuya görə icarə haqqı tələb etmirdi və İstanbul nəhənginin şərtini qəbul etməyə hazır görünürdü. Amma sonradan ingilislər fikirlərini dəyişdirdilər. ''Everton'' artıq ''ağ-qaralar''dan icarə haqqı tələb edir. Bundan başqa mersisaydlılar gələn yay Allini 7-7,5 milyon avroya daimi əsasda satmağa hazır idilər. Amma indi ''Everton'' bunun qarşılığında ''Beşiktaş''dan 9-9,5 milyon avro tələb edir. Türklər hazırda qarşı tərəfdən gələn bu yeni tələbləri çözməyə çalışırlar. Dele Alli özü isə karyerasında yeni səhifə açmaq istədiyi üçün İstanbula gəlməyə hazırdı. O, klubların anlaşmasını gözləyir.