Avropanın önəmli çempionatlarından olan İspaniya çempionatında mövsümün ən yaxşı 23 yaşa qədər futbolçuları müəyyənləşib.

La Liqa tərəfindən müəyyənləşdirilən siyahıya təbii ki, ''Barselona'' və İspaniya yığmasının gənc ulduzu Lamin Yamal başçılıq edir. Hələ 18 yaşı tamam olmamasına baxmayaraq artıq Avropa çempionluğu də daxil olmaqla 5 titul qazanan vinger geridə qoyduğumuz mövsüm La Liqada 33 oyunda aktivinə 9 qol, 15 məhsuldar ötürmə yazıb. O artıq indidən dünyanın ən yaxşı oyunçularından biri kimi göstərilir.

Maraqlıdı ki, ''Real'' və İngiltərə yığmasının ulduzu Cud Bellingemə ilk ''3-lük''də yer tapılmayıb. O yalnız 4-cü pillədə qərarlaşıb. ''Las Palmas''lı Fabio Silva 2-ci, ''Valensiya''da çıxış edən Dieqo Lopes 3-cü pillədə özünə yer edib. Təbii ki, Türk dünyasının əsas gənc ulduzu Arda Gülərə də bu siyahıda yer tapılıb.

Madrid nəhəngində əsas heyətə düşməkdə çətinlik çəkən və geridə qoyduğumuz mövsüm yalnız 14-ü ilk ''11-lik''də olmaqla 28 La Liqa matçında iştirak edən 20 yaşlı yarımmüdafiəçi aktivinə 3 qol, 5 məhsuldar ötürmə yazıb. O, bu siyahıda 5-ci pillədə qərarlaşıb.