Futbolda nəhəng turnirlər və maraqlı oyunlar baxımından zəngin olan bir ili geridə qoyduq.

''Football-plus.az'' xəbər verir ki, 2024-də sürpriz yüksəlişə nail futbolçuların sayı heç də az olmadı. Bəs görəsən transfer dəyəri baxımından ilin ən çox yüksələn futbolçuları kimlərdi? Dəyərini artıranların ''10-luğ''una nəzər salaq. Bu siyahıya Lamin Yamal başçılıq edir.

''Barselona''nın və İspaniya yığmasının vunderkindi xüsusilə Avropa Çempionatında adından çox söz etdirdi. İl ərzində onun dəyəri 90 milyon avro artaraq 150 milyon avroya çatdı! İkinci pillədə qısa müddət ərzində ''Çelsi''nin liderinə çevrilən Koul Palmer qərarlaşıb. Onun dəyəri 85 milyon avro artaraq 130 milyon avroya çatıb. 3-cü pillədə isə dəyərini 50 milyon avro artıraraq 200 milyon avroya çatdıran ''Real'' və Braziliya yığmasının ulduzu Vinisius qərarlaşıb.

Digər pillələrdə bu futbolçular qərarlaşıb: Kobbi Maynoo (Mançester Yunayted) - 55 milyon avro (dəyəri 49 milyon avro artıb), Aleksandar Pavloviç (Bavariya) - 50 milyon avro (48), Omar Marmuş (Ayntraxt F) - 60 milyon avro (45), Florian Virts (Bayer-04) - 140 milyon avro (40), Estevan (Palmeyras) - 50 milyon avro (40), Po Kubarsi (Barselona) - 50 (38,5), Morqan Rocers - 40 milyon avro (37,2).

ƏLİ