Bilindiyi kimi, bu gün millimiz minifutbol üzrə dünya çempionatının finalında Macarıstanla qarşılaşacaq.

Xatırlayırsızsa, sonuncu - 2023-cü ildə BƏƏ-də keçirilən turnirdə komandamızın medalçılar sırasına düşməməsinin səbəbi məhz macarıstanlı minifutbolçular olmuşdu. Belə ki, yığmamız "bürünc" uğrunda keçirilən matçda bu rəqibə 1:3 hesabıyla uduzmuşdu.

Bununla belə, bu yaxınlarda Macarıstan minifutbol yığmasının üzvü Rolan Benşik iddialı olduqlarını demişdi. Göründüyü kimi, macarların dilinə görə dilçəyi var imiş. Kollektiv həqiqətən uğurlu nəticələr qazanmaqla finala qədər irəlidədi.

İndi bizi çox maraqlı Azərbaycan - Macarıstan dueli gözləyir.

Maraq üçün qeyd edək ki, minifutbol üzrə dünya reytinqində Azərbaycan 1425 xalla ikinci, Macarıstan 665 xalla doqquzuncu pillədədi. Siyahıya 1540 xala malik olan Rumıniya başçılıq edir.

MÜZƏFFƏR QULUZADƏ