PSJ-nin mövsümü “qızıl dubl”la bitirəcəyinə heç kimin şübhəsi yox idi.

Safonov qapısını toxunulmaz saxlamaq üçün əziyyət çəkmədi. Çünki “Reyms” onu ustalğını göstərməyə məcbur etmədi. 20-ci dəqiqəyə qədər iki qol vuran parislilər fasilə ərəfəsində fərqi darmadağın həddinə çatdırdı. Oyunun qəhrəmanı dubl edən və Hakimiyə məhsuldar ötürmə verən Barkola oldu. Due 16-cı dəqiqədə gözəl ötürmə ilə Barkolanı təkbətək çıxardı – forvard bu imkanı boşa vermədi. 3 dəqiqə sonra Barkola yenə Duenin asmasını tamamladı.

Nəhayət, hissənin sonunda hücuma qoşulan Hakimi də fərqləndi. “Reyms”in baş məşqçisi Samba Diavara fasilədən sonra üçlü dəyişikliyə əl atdı, Luis Enrike isə “gücə qənaət” rejiminə keçdi. 2-ci hissə hadisələrlə zəngin olmadı. PSJ 4-cü qolu vurmağa daha yaxın idi, nəinki “Reyms” fərqi azaltmağa. Hesab dəyişmədi və muzeyinə daha bir kubok əlavə edən paytaxt klubu Çempionlar Liqasının finalına hazırlaşa bilər.

final
PSJ – Reyms 3:0 (3:0)
PSJ: Safonov, Hakimi, Markinyos, Paço (Beraldo, 61), Mendeş (L.Ernandes, 61), Vitinya (Zair-Emeri, 71), Ruis, Neveş (Mayulu, 71), Barkola, Dembele, Due (Ramuş, 71).
Reyms: Diuf, Kipre, Okumu (Moskardo, 46), Sekine, Akyeme, Qbane, Atanqana, Kone (Patrik, 74), İto (Tia, 46), Nakamura (Dyakon, 64), Sibaço (Dyakite, 46).
Qollar: Barkola, 16 (1:0). Barkola, 19 (2:0). Hakimi, 43 (3:0).
Hakim: Benua Bastyen.
24 may. Sen-Deni. 77101 tamaşaçı.

Faktlar
* Ardıcıl 2-ci dəfə bu turnirin qalibi olan PSJ ölkə kubokunu 16 dəfə qazanıb. Rekordçunu 10 kubokla “Marsel” izləyir.
* Luis Enrike məşqçi karyerasında 15-ci titulu qazandı. Parislilərlə 2 dəfə kubokun qalibi olan ispaniyalı mütəxəsisisin hesabında 2 Fransa çempionluğu və Superkuboku da var. “Barselona”nın “sükanı arxasında” isə 2 dəfə İspaniya çempionu olub, 3 dəfə bu ölkənun kubokunu, 1 dəfə Superkubokunu qazanıb, həmçinin Çempionlar Liqasında, Avropa Superkubokunda və klublararası dünya çempionatında qələbəyə sevinib.
* Həm çempion olan, həm də kuboku qazanan PSJ Fransa Superkuboku uğrunda oyunda vitse-çempion “Marsel” ilə qarşılaşacaq.
* Fransada növbəti mövsüm üçün avrokubokların bütün iştirakçıları müəyyənləşdi. “Reyms” finalda uduzduğundan çempionatda 6-cı yeri tutan “Lion” 5-ci olan “Lill” ilə birgə Avropa Liqasının əsas mərhələsində oynamaq imkanı qazandı. 7-ci yeri tutan “Strasbur” isə Konfrans Liqasının təsnifat mərhələsində oynayacaq.
* Bu mövsüm üç titul qazanan PSJ daha ikisinə iddiasını davam etdirir. Parislilər indiyə qədər Fransa Superkubokunun, kubokunun və çempionatının qalibi olub. İrəlidə onları ÇL-in finalı və klublarası dünya çempionatı gözləyir.

Oyundan sonra
Luis Enrike, PSJ-nin baş məşqçisi: