Liqa 1-də 23-cü turdan sonra lider PSJ ilə izləyiciləri arasındakı xal fərqi bir qədər də artdı.

"Football-plus.az" xəbər verir ki, paytaxt klubu indi “Marsel”dən artıq 13 xal irəlidədi. Luis Enrikenin komandası səfərdə “Lion”u 3:2 hesabıyla məğlub etməklə fərqi daha da açdı. “Marsel” isə heç kimin gözləmədiyi halda, səfərdə “Oser” önündə darmadağın oldu – 0:3.

Bəlkə də cənublular belə aqibətlə üzləşməyəcəkdi. Sadəcə, Kornelius 63-cü dəqiqədə meydandan qovulmaqla “Marsel”i çətin duruma saldı. Ona qədər hesab 0:1 idisə, ardından Jubal dubl etməklə fərqi biabırçı həddə çatdırdı. Autsayder “Monpelye”nin öhdəsindən gələn “Nitsa” 3-cü pillədəki mövqeyini qorudu.

Turun mərkəzi oyununda “Lill” “Monako”nu qəbul etdi. “Şimallı itlər” bu vacib oyundan qələbə ilə ayrılmaqla turnir cədvəlində “knyazlar”la yerini dəyişdi.

Qalan oyunların nəticələrini də xatırladaq. Evdə “Brest”lə qolsuz heç-heçəyə razılaşan “Strasbur” 7-ci pillədə qaldı. 8-ci yerdə isə “Lans” qərarlaşıb. Səfərdə “Nant”a uduzan “qan-qızılılar”ın turnir cədvəlindəki mövqeyi dəyişmədi. “Tuluza” səfərdə “Havr”ı darmadağın etdi. “Sent-Etyen” – “Anje” oyununda 6 qol vuruldu – 3:3. “Renn” evdə “Reyms”in öhdəsindən bir qolla gəldi. 10-cu dəqiqədə penaltini dəqiq yerinə yetirən Kalimuendo həm də mövsümdə 10-cu qolunu vurdu.

23-cü tur
Lion – PSJ 2:3
Şerki, 83. Tolisso, 90+2 – Hakimi, 53; 85. Dembele, 59. (57777)
PSJ: Donnarumma, Hakimi, Markinyos, Beraldo, Mendeş, Due (Ruis, 61), Neveş, Vitinya, Dembele (Ramuş, 75), Kvaratsxeliya (L.Ernandes, 68), Barkola (Li Kan İn, 74).

Oser – Marsel 3:0
Perren, 34. Jubal, 75-p.; 90+1. (17183)
Marsel: Rulyi, Murilyo, Kondoqbia (U.Qarsiya, 81), Kornelius, Enrike (Lirola, 81), Bennaser (Mope, 61), Heybyerq, Merlen (Dediç, 61), Rabyo, Qrinvud (Rou, 86), Quiri.

Lill – Monako 2:1
Haraldsson, 22; 42 – Minamino, 45+1. (44177)
Lill: Şevalye, Menye, Aleksandro, Dyakite, Qudmundsson, Mukau, Buaddi, Andre, Haraldsson (Fernandes-Pardo, 77), Devid, Ekpom (Bentaleb, 70).
Monako: Mayetski, Vanderson (Mişal, 89), Sinqo, Mavissa, Dyatta (Enrike, 66), Zakariya (Əl-Musrati, 80), Kamara, Akliuş (İlenihena, 66), Minamino, Ben Seqir, Biret (Embolo, 66).

Renn – Reyms 1:0
Kalimuendo, 10-p. (26818)

Sent-Etyen – Anje 3:3
Kardona, 36; 74. Ekva, 52 – Abdelli, 7-p.; 17; 90+4-p. (30566)

Nant – Lans 3:1
Leru, 36. Simon, 61-p. Elia, 90+5 – Əl-Aynaui, 65-p. (28169)

Havr – Tuluza 1:4
Sumare, 51 – Abuhlyal, 9. Syerro, 56-p. Dennum, 63. Maqri, 78. (17239)

Strasbur – Brest 0:0
(19108)

Nitsa – Monpelye 2:0
Kloss, 30. Budaui, 65. (18519)

1. PSJ 23 18 5 0 62-22 59
2. Marsel 23 14 4 5 50-29 46
3. Nitsa 23 12 7 4 46-27 43
4. Lill 23 11 8 4 38-23 41
5. Monako 23 12 4 7 45-31 40
6. Lion 23 10 6 7 42-30 36
7. Strasbur 23 9 7 7 37-32 34
8. Lans 23 9 6 8 26-25 33
9. Brest 23 10 3 10 35-38 33
10. Tuluza 23 8 6 9 27-26 30
11. Oser 23 7 7 9 34-37 28
12. Anje 23 7 6 10 26-34 27
13. Renn 23 8 2 13 30-32 26
14. Nant 23 5 9 9 28-40 24
15. Reyms 23 5 7 11 26-35 22
16. Sent-Etyen 23 5 4 14 23-53 19
17. Havr 23 5 2 16 19-47 17
18. Monpelye 23 4 3 16 21-54 15

Bombardirlər: Dembele (PSJ) – 17, Qrinvud (Marsel) – 14, Devid (Lill) – 12, Barkola (PSJ) – 11.

Turun rəqəmi
13 il 270 gün – 89-cu dəqiqədə “Nant”ın heyətində meydana çıxan Fransis Koklen bu qəsər uzun fasilədən sonra növbəti dəfə Liqa 1 matçının iştirakçısı oldu. Onun 2011-ci ildə “Loryan”da çıxış edəndən sonra “Arsenal”, “Frayburq”, “Valensiya” və “Vilyarreal”da legioner həyatı yaşadığını xatırladaq.

Turun ulduzu
Əşfər Hakimi (PSJ) – “Lion”la ilk yarısı qolsuz bitən oyunun əsas qəhrəmanı mərakeşli müdafiəçidi. 53-cü dəqiqədə hesabı açdı, sona 5 dəqiqə qalmış isə həlledici qolu vurdu. Bir sözlə, hücumçuların məsuliyyətini boynuna götürdü.

Turun sitatı
Adi Hütter, “Monako”nun baş məşqçisi: