Fransa çempionatında 2-ci tur arxada qaldı. Hələ ki 4 komanda xal itirməyib.

Bunlar “Monpelye”nin qapısından 6 cavabsız top keçirən PSJ, yenə 2:0 hesabıyla qələbə qazanan “Lill”, səfərdə “Lion”un öhdəsindən gələn “Monako” və ötən mövsümün kəşfi “Brest”i məğlub edən “Lans”dı.

PSJ – “Monpelye” oyunu təkqapı getdi. Son çempion rəqibini darmadağın etdi. Artıq 4-cü dəqiqədə hesabı açan parislilər hissənin ortalarında fərqi artırdı. İkinci hissə başlayan kimi qollar sıralandı. 53-cü dəqiqədə Barkola dubl etdi. 5 dəqiqə sonra Hakimi, bundan iki dəqiqə sonra isə Zair-Emeri fərqləndi. Oyunun taleyinin həll olunduğunu görən Luis Enrike 62-ci dəqiqədə üç dəyişikliyə əl atdı. Sonradan meydana çıxanlardan Li Kan İn 82-ci dəqiqədə 6-cı topu da “Monpelye”nin qapısından keçirdi.

“Monako” “maliyyə feyr-pleyi” üzündən bütün əsas oyunçularını transferə çıxaran “Lion”un qonağı idi. Qarşılıqlı hücumlar şəraitində keçən ilk yarıda hesab açılmadı. 65-ci dəqiqədə Akliuş bir neçə müdafiəçini məşğul edib Ben Seqirə ideal ötürmə verdi və mərakeşli yarımmüdafiəçi “knyazlar”ı irəli çıxardı. Onlar hesabı qorumaq üçün oynamadı, əksinə, hücumları artırdı və 80-ci dəqiqədə Kamara oyunun taleyini müəyyənləşdirən qolu vurdu. Elə həmin Kamara uzatma dəqiqələrində iki sarı vərəqə almaqla meydandan qovuldu. Yeri gəlmişkən, “Monako” 2016/17 mövsümündən bəri ilk dəfə “Lion”u səfərdə məğlub etdi.

“Anje”ni qəbul edən “Lill” tədricən təşəbbüsü ələ almağa başladı. Odu ki, Menyenin 34-cü dəqiqədə vurduğu qol oyunun məntiqi axarına uyğun idi. “Şimallı itlər” bir də uzatma dəqiqələrində fərqləndi. 89-cu dəqiqədə meydana çıxan Bayo 90+6-cı dəqiqədə “Lill”in üstünlüyünü möhkəmlətdi.
İlk turda səfərdə “Brest”i darmadağın edən “Marsel” “Reyms” ilə ev oyununda xal itirdi. De Zerbinin çalışdırdığı cənublular 25-ci dəqiqədə hesabı açsa da, 2-ci hissənin əvvəli onlar üçün fiaskoya çevrildi. 51-ci dəqiqədə Akyeme hesabı bərabərləşdirdi, 4 dəqiqə sonra isə Fofana möhtəşəm reydini qolla tamamladı. Amma “Marsel” məğlubiyyətdən qaça bildi. İlk turda dubl edən Qrinvud bu dəfə cənubluların xilaskarı oldu.

Girişdə vurğuladığımız kimi, “Lans” da ilk iki turda xal itirməyib. Əvvəlcə “Anje”ni məğlub edən “qan-qızılılar” bu dəfə evdə Fransanın ÇL-dəki təmsilçisi “Brest”in öhdəsindən gəldi. Hesab 19-cu dəqiqədə açıldı, fasilə ərəfəsində isə “Brest”in müdafiəçisi, əvvəllər “Lans”ın şərəfini qorumuş Le Kardinal “qapılarən yerini səhv saldı”.

İki turdan sonra “Strasbur” və “Nant” 4 xal toplayıb. “Strasbur” hesabat turunda “Renn”i məğlub etdi. “Bülbüllər” isə “Oser”in qapısından iki cavabsız qol keçirdi. “Havr” da səfərdə “Sent-Etyen”ə 2:0 hesabıyla qalib gəldi. “Nitsa” ilə “Tuluza” 1:1 hesablı “sülh”ə razılaşdı.

2-ci tur
PSJ – Monpelye 6:0
Barkola, 4; 53. Asensio, 24. Hakimi, 58. Zair-Emeri, 60. Li Kan İn, 82. (46000)
PSJ: Donnarumma, Hakimi, Markinyos, Paço, Mendeş, Zair-Emeri (Mbaye, 78), Neveş (Ruis, 68), Vitinya, Dembele (Li Kan İn, 62), Asensio (Kolo Muani, 62), Barkola (Due, 62).
Lion – Monako 0:2
Ben Seqir, 65. Kamara, 80. (54392)
Monako: Kyon, Vanderson (Teze, 64), Kerer, Salisu, Yakobs, Zakariya (Maqassa, 86), Kamara, Akliuş, Minamino (Sinqo, 86), Ben Seqir (Uattara, 76), Embolo (İlenihena, 64).
Lans – Brest 2:0
Çaves, 19. Le Kardinal, 45-öz qapısına. (37435)
Brest: Bizot, Lala, Şardonne, Le Kardinal, Amavi (Zoqbe, 90), Kamara, Marten (Sima, 64), Maqnetti, Del Kastilyo, Ajork (Le Duaron, 79), Fevr (Pereyra Laqe, 79).
Lill – Anje 2:0
Menye, 34. Bayo, 90+6. (36906)
Lill: Şevalye, Mandi, Menye (Santoş, 78), Diakite, Aleksandro, Qudmundsson, Sahraui (Buaddi, 89), Andre, Mbappe (Kabella, 68), Haraldsson (Mukau, 77), Devid (Bayo, 89).
Marsel – Reyms 2:2
Arit, 25. Qrinvud, 71 – Akyeme, 51. Fofana, 55. (63841)
Sent-Etyen – Havr 0:2
Ture, 57-p. Sanqante, 76. (16958)
Nitsa – Tuluza 1:1
Kloss, 53 – Babika, 73. (21656)
Strasbur – Renn 3:1
Santos, 23. Emeqha, 48. Vu, 87-öz qapısına – Blyas, 57. (19026)
Nant – Oser 2:0
Simon, 14. Girassi, 90+6. (31077)

1. PSJ 2 2 0 0 10-1 6
2. Lill 2 2 0 0 4-0 6
3. Monako 2 2 0 0 3-0 6
4. Lans 2 2 0 0 3-0 6
5. Marsel 2 1 1 0 7-3 4
6. Strasbur 2 1 1 0 4-2 4
7. Nant 2 1 1 0 2-0 4
8. Renn 2 1 0 1 4-3 3
9. Havr 2 1 0 1 3-4 3
10. Oser 2 1 0 1 2-3 3
11. Tuluza 2 0 2 0 1-1 2
12. Nitsa 2 0 1 1 2-3 1
13. Reyms 2 0 1 1 2-4 1
14. Monpelye 2 0 1 1 1-7 1
15. Sent-Etyen 2 0 0 2 0-3 0
16. Anje 2 0 0 2 0-3 0
17. Lion 2 0 0 2 0-5 0
18. Brest 2 0 0 2 1-7 0

Bombardirlər: Barkola (PSJ), Qrinvud (Marsel) – 3, Li Kan İn (PSJ), Enrike (Marsel) – 2.
Növbəti turun oyunları 30 avqust – 1 sentyabr aralığında keçiriləcək: Lion – Strasbur, Brest – Sent-Etyen, Monpelye – Nant, Tuluza – Marsel, Monako – Lans, Anje – Nitsa, Havr – Oser, Reyms – Renn, Lill – PSJ.

Turun rəqəmi
3500 – “Renn” Liqa 1 tarixinə turnirdə bu qədər qol buraxan ilk komanda kimi düşdü.

Turun ulduzu
Bredli Barkola (PSJ) – oyunu çox fəal keçirən gənc hücumçu, deyəsən, Kilian Mbappenin komandadakı statusuna yiyələnmək istəyir. Dubl etdi, daha bir neçə dəfə fərqlənməyə yaxın oldu. Əslində 62-ci dəqiqədə əvəzlənməsəydi, 3-cü qolu vurması da tam real idi.

Turun sitatı
Luis Enrike, PSJ-nin baş məşqçisi: