Fransa çempionatında 5-ci tur PSJ-nin ilk xal itkisi ilə əlamətdar oldu. Bundan isə “Monako” ilə “Marsel” yararlandı. “Knyazlar” “Havr” üzərində inamlı qələbə qazandı. “Marsel”in “Lion” üzərindəki səfər qələbəsini isə xüsusi qeyd etməyə dəyər. Roberto De Zerbinin çalışdırdığı qonaqlar artıq 5-ci dəqiqədə azlıqda qalsalar da, 90+5-ci dəqiqədə qələbə topunu vurdular. Beləliklə, Liqa 1-də zirvənin üç sahibi var.

“Reyms”in qonağı olan PSJ-nin qapısını zədəli Donnarummanın yoxluğunda rusiyalı Safonov qorudu. Meydan sahibləri 9-cu dəqiqədə onun qapısına yol tapdı. PSJ bu qolun əvəzini 68-ci dəqiqədə çıxa bildi. Luis Enrikenin 65-ci dəqiqədə meydana buraxdığı Dembele cəmi 3 dəqiqə sonra Neveşin ötürməsindən yararlandı. Bundan sonra çempion çox çalışsa da, bir daha “Reyms”in qapısına yol tapa bilmədi.

“Monako” “Havr”la oyunda erkən qolla irəli çıxsa da, yarım saatın tamamında qonaqlar, daha dəqiqi, Kuzyayev tablodakı rəqəmləri eyniləşdirdi. “Knyazlar”ın baş məşqçisi fasilədə iki dəyişikliyə əl atdı, Zakariya ilə Ben Seqiri meydana buraxdı. Məhz Ben Seqir 66-cı dəqiqədə komandasını irəli çıxardı. “Monako” bununla da kifayətlənmədi. 71-ci dəqiqədə meydanın rəqibə aid hissəsində topu ələ keçirən Kerer İlenihenaya, o da Baloquna ötürmə verdi. Belədə amerikalı hücumçu fərqi artırmaqda çətinlik çəkmədi. 4-cü qələbəsini qazanan “Monako” PSJ-yə çatdı.

Bu tur həm də “Derby des Olympiques” (Olimpiya derbisi) ilə əlamətdar oldu, “Lion” “Marsel”i qəbul etdi. Oyun qeyri-adi ssenari üzrə keçdi. Artıq 1-ci dəqiqədə qonaqların mərkəz müdafiəçisi Balerdi sarı vərəqə ilə cəzalandı. Qəzəbi soyumayan argentinalı 5-ci dəqiqədə ikinci dəfə eyni cəzanı aldı və avtomatik paltardəyişmə otağına yollandı. Beləiklə, “Marsel” uzatma dəqiqələrini nəzərə almasaq, 85 dəqiqə azlıqda oynadı. Qarşılıqlı hücumlar şəraitində keçən ilk yarının sonunda qonaqların qapısına penalti təyin olundu. “Nöqtə”yə yaxınlaşan Lakazett qapıçı ilə dueldən məğlub ayrıldı.

2-ci hissə qolla başladı. 53-cü dəqiqə Çaleta-Sar “şirlər”i irəli çıxardı. 5 dəqiqə sonra Lakazett fərqi artırmağa borclu idi, ancaq qapıçı Rulyi yenə ona mane oldu. Oyuna 2-ci hissədə qoşulan Lirola 69-cu dəqiqədə hesabı bərabərləşdirdi – 1:1. Son dəqiqələr isə inanılmaz dramatik anlara səhnə oldu. 82-ci dəqiqədə Lirolanın ötürməsindən sonra Qarsiya “Marsel”i irəli çıxardı. Bütün komanda ilə müdafiə olunan cənublular artıq qələbəni qorumaq üçün oynayırdı. Ancaq 3-cu uzatma dəqiqəsində Şerki hesabı bərabərləşdirdi – 2:2. Sadəcə, bu da son deyildi. 5-ci uzatma dəqiqəsində Rou uzaqdan zərbə ilə “Marsel”ə qələbə qazandıran qolu vurdu. Beləliklə, xalını 13-ə çatdıran De Zerbinin komandası PSJ və “Monako” ilə birgə zirvəyə şərikdi.

Turun qalan oyunlarında da maraqlı nəticələr qeydə alındı. “Nitsa” evdə “Sent-Etyen”i darmadağın etdi – 8:0! Artıq ilk yarıdan sonra hesab 6:0 idi. “Nitsa” ilk 4 turda cəmi 6 top vurmuşdu. “Lill” evdə “Strasbur”un öhdəsindən gələ bilmədi – 3:3. “Şimallı itlər”in heyətində dubl edən Jeqrova və penaltidən Devid fərqləndi. “Renn” də evdə “Lans” ilə heç-heçə etdi – 1:1. “Anje” – “Nant” oyununda da bu hesab qeydə alındı. Fransanın Çempionlar Liqasındakı təmsilçilərindən “Brest” “Tuluza”ya qalib gəldi, “Monpelye” mövsümdəki ilk qələbəsini “Oser”lə oyunda qazandı.

5-ci tur
Reyms – PSJ 1:1
Nakamura, 9 – Dembele, 68. (20220)
PSJ: Safonov, Zair-Emeri, Markinyos, Paço, Beraldo (Mendeş, 83), Li Kan İn (Mayulu, 83), Vitinya (Ruis, 70), Neveş, Due (Dembele, 65), Kolo Muani, Barkola.

Monako – Havr 3:1
Teze, 9. Ben Seqir, 66. Baloqun, 71 – Kuzyayev, 30. (6000)
Monako: Kyon, Teze (Diatta, 79), Sinqo, Kerer, Enrike, Minamino (Akliuş, 61), Maqassa (Ben Seqir, 46), Kamara (Zakariya, 46), Qolovin, Baloqun, İlenihena (Matazo, 87).

Brest – Tuluza 2:0
Balde, 21. Fevr, 90+1. (14580)
Brest: Bizot, Zoqbe, Le Kardinal, Ndiaye, Aydara (Amavi, 82), Pereyra Laqe, Marten (Kamara, 74), Manyetti, Dumbiya (Fevr, 66), Balde (Ajork, 66), Salah (Sima, 66).

Lill – Strasbur 3:3
Jeqrova, 15; 27. Devid, 84-p. – Santos, 30. Emeqha, 42. Nanasi, 66. (39516)
Lill: Şevalye, Menye (Santuş, 67), Mandi, Diakite, Qudmundsson (Bakker, 73), Qomes (Buaddi, 81), Andre, Qomeş (Sahraui, 67), Kabella (Bayo, 73), Jeqrova, Devid.

Nitsa – Sent-Etyen 8:0
Batubinskika, 4-öz qapısına. Ndombele, 7. Şo, 24. Mukoko, 26; 39. Gessand, 37. Diop, 76. Rosario, 86-p. (30024)

Renn – Lans 1:1
Kalimuendo, 23-p. – Nzola, 90+6. (28387)

Anje – Nant 1:1
Abdelli, 24-p. – Lepenan, 18. (16960)

Monpelye – Oser 3:2
Adams, 65; 75. Sanyan, 71 – Traore, 18. Onaivu, 72. (11643)

Lion – Marsel 2:3
Çaleta-Sar, 53. Şerki, 90+3 – Lirola, 69. Qarsiya, 82. Rou, 90+5. (53228)

1. PSJ 5 4 1 0 17-4 13
2. Marsel 5 4 1 0 15-6 13
2. Monako 5 4 1 0 10-2 13
4. Lans 5 2 3 0 5-2 9
5. Nant 5 2 2 1 7-4 8
6. Reyms 5 2 2 1 7-7 8
7. Nitsa 5 2 1 2 14-6 7
8. Renn 5 2 1 2 9-6 7
9. Lill 5 2 1 2 8-74 7
10. Strasbur 5 1 3 1 11-10 6
11. Brest 5 2 0 3 8-10 6
12. Havr 5 2 0 3 7-10 6
13. Tuluza 5 1 2 2 4-6 5
14. Lion 5 1 1 3 6-11 4
15. Monpelye 5 1 1 3 5-15 4
16. Oser 5 1 0 4 5-12 3
17. Sent-Etyen 5 1 0 4 1-15 3
18. Anje 5 0 2 3 3-9 2

Bombardirlər: Qrinvud (Marsel) – 5, Barkola, Dembele (hər ikisi PSJ) - 4.

Növbəti turun oyunları sentyabrın 27-29-u aralığında keçiriləcək: Oser – Brest, PSJ – Renn, Lans – Nitsa, Havr – Lill, Monako – Monpelye, Tuluza – Lion, Anje – Reyms, Nant – Sent-Etyen, Strasbur – Marsel.

Turun rəqəmi
6 – “Nitsa” ölkənin ən titullu klublarından biri olan “Sent-Etyen”in qapısından ilk yarıda bu qədər qol keçirdi. Fransa çempionatında 21-ci əsrdə heç vaxt bir hissə ərzində 6 top vurulmamışdı. “Nitsa” 1997-ci ildə “Marsel”in qapısından hissə ərzində 7 qol keçirən “Lion”dan azacıq geri qaldı. 8:0 həmçinin “Nitsa” tarixinin ən böyükhesablı qələbəsinin təkrarıdı. Komanda ilk dəfə 1975-ci ildə ölkə kubokunun oyununda “Qolden Star”a bu hesabla qalib gəlib. “Sent-Etyen” isə indiyə qədər yalnız 1951-ci ildə “Bordo”ya bundan da böyük hesabla (0:9) uduzub.

Turun ulduzu
Pol Lirola (Marsel) – sadəcə, fenomenal! 46-cı dəqiqədə meydana çıxan ispaniyalı müdafiəçi hissənin ortalarında hesabı bərabərləşdirdi, 82-ci dəqiqədə isə məhsuldar ötürmə verdi. “Marsel”in onu yayda “Frozinone”dən transfer etdiyini də xatırladaq.

Turun sitatı
Luis Enrike, PSJ-nin baş məşqçisi: