Türkiyə çempionatında yeni mövsümlə bağlı bəzi detallara aydınlıq gəlib.

Türkiyə Futbol Federasiyası 2025/26 mövsümündə bütün peşəkar liqaların başlama və bitmə tarixlərini açıqlayıb.

Beləliklə, yeni mövsümə həm superliqada, həm də 1-ci liqada avqustun 8-11-də start veriləcək. İlk dövrəyə superliqada dekabrın 19-22-də, 1-ci liqada isə dekabrın 26-29-da yekun vurulacaq. Elitada qış fasiləsi yanvarın 16-19-da, aşağı liqada yanvarın 9-12-də başa çatacaq. Mövsümə isə superliqada mayın 17-də, 1-ci liqada mayın 2-də yekun vurulacaq.

DÇ-2026 ilə bağlı digər çempionatlarda olduğu kimi Türkiyədə də mövsüm həmişəkindən bir qədər tez bitəcək.

Onu da xatırladaq ki, bu mövsüm elitada 19 komanda mübarizə aparmışdısa, yeni mövsümdə superliqada komandaların sayı 18-ə bərabər olacaq.