Türkiyə çempionatında cari mövsüm hələ başa çatmasa da, yeni mövsümlə bağlı bir sıra vacib detallar artıq məlumdu.

“Football-plus.az” xəbər verir ki, öncə xatırladaq ki, bu mövsüm elitanı 4 klub tərk edəcək və aşağıdan yuxarı üç klub gələcək. Bu da o deməkdi ki, gələn mövsüm superliqada 19 klub çıxış edəcək. Türkiyə Futbol Federasiyasından verilən açıqlamada 2024/25 mövsümünün avqustun 9-da start götürəcəyi, ilk dövrəyə dekabrın 20-23-də yekun vurulacağı, ikinci dövrənin gələn il yanvarın 3-də start götürəcəyi və mövsümün iyunun 1-də başa çatacağı qeyd olunub. 1-ci liqada da tarixlər, demək olar, eynidi. Sadəcə, bu turnirdə mövsümə mayın 10-da yekun vurulacaq. 24, 28, 33-cü turlar həftəiçi keçiriləcək. Elitada isə heç bir həftəiçi turu olmayacaq. Bundan başqa, “transfer pəncərəsi”nin də vaxtı dəqiqləşib. Türkiyədə bu yay transfer dönəmi iyunun 24-də açılacaq və sentyabrın 13-nə qədər davam edəcək. Qış transfer dönəmi isə gələn il yanvarın 13-dən fevralın 11-nə qədər olan müddəti əhatə edəcək.