''Qalatasaray''da bir mövsümə 36 qol vuraraq adını həm klub, həm də Türkiyə futbolu tarixinə yazdıran Viktor Osimhenin gələcək taleyi bəlli olmaq üzrədi.

Səudiyyə Ərəbistanı mətbuatı israrla nigeriyalı forvardın ''Əl-Hilal'' ilə anlaşdığını iddia edir. Türkiyəli həmkarlarımız bu xəbərlərin doğru olub-olmadığını yoxlamaq üçün ''Qalatasaray'' rəsmiləri ilə əlaqə saxlayıblar. Onların cavabı isə belə olub:

Səudiyyə Ərəbistanı variantı isə günü-gündən ciddiləşir. Şayiələrə inansaq, 26 yaşlı futbolçu ''Əl-Hilal'' ilə üçillik müqavilə imzalayacaq və yeni klubunda illik 40 milyon avro (!) maaş alacaq. Hətta iddialara görə ərəblər Osimhendən ''hə'' cavabını aldıqdan sonra onun formalarını da hazırlayıblar. Ancaq üzərində bu futbolçunun adı olan ''29'' nömrəli formalar satışa çıxdıqdan 24 saat ötməmiş klubun bütün rəsmi dükanlarından yığışdırıldı.

Deyilənə görə buna Osimhenin müqavilə ilə məxsus olduğu ''Napoli''nin prezidenti Aurelio De Laurentisin araya girməsi səbəb oldu. O, heç kimlə problem yaşamaq istəmədiyini, Osimhenin hələ ki, ''Qalatasaray''la icarə müqaviləsinin davam etdiyini bildirərək formaların satışdan yığışdırılmasını tələb etdi. Bu futbolçunun ''Cim-Bom''la müqaviləsinin müddəti iyunun 30-na qədər nəzərdə tutulub.

Osimhen həm də ''Qalatasaray''ın çempionluq tədbirinə ''Before I go'' (mən getmədən öncə) adlı mahnı ilə çıxmaqla ayrılmağa hazırlaşdığını göstərmişdi.

Bütün bu iddialar doğrudusa, Osimhen kimi futbolçunun 26 yaşda karyera yerinə pula üstünlük verməsi yeni müzakirələrin yaranmasına səbəb olacaq. Çünki ona Avropanın bir çox nəhəng klubu ciddi maraq göstərirdi.