PSJ və Braziliya yığmasının ulduzu Neymarın Səudiyyə Ərəbistanına transferi rəsmiləşmək üzrədi.

"Football-plus.az" xəbər verir ki, ''Əl-Hilal'' məhşur futbolçuya tarixi hesab oluna biləcək bir müqavilə təklif edib. Fransa mətbuatı iddia edir ki, tərəflər ikiillik müqavilə ilə bağlı razılıq əldə ediblər. ''Əl-Hilal'' 31 yaşlı futbolçuya illik 100 milyon avro məvacib ödəməyə hazırdı. Bonuslarla birlikdə bu məbləğ 120 milyon avroya çata bilər. Səudiyyə Ərəbistanında rəsmi nigahsız yaşamaq qadağan olsa da, Neymar üçün güzəşt ediləcək. O, sevgilisi Bruna Byankardi ilə birlikdə yaşaya biləcək. ''Əl-Hilal'' ''sambaçı'' üçün nəhəng bir malikanə tutub. Neymar orda ən yaxın insanları və fərdi məşqçiləri ilə yaşayacaq. Bundan başqa Neymar ''Əl-Hilal''ın hər qələbəsinə görə 80 min avro irəli düşəcək. Sosial şəbəkədəki səhifəsində isə Səudiyyə Ərəbistanını tanıdacağı hər bir paylaşıma görə isə 500 min avro qazanacaq!

Qısası Neymarın 2 illik Səudiyyə Ərəbistanı macərası ərzində təxminən 300-400 milyon avro qazanacağı gözlənilir. ''Əl-Hilal'' PSJ-nin özünə isə 60 milyon avro ödəyəcək.