Gələcək taleyi hələ də qeyri-müəyyən olan Viktor Osimhen ilə bağlı yeni transfer xəbəri yayılıb.

Canluka Di Martsionun xəbərinə görə Səudiyyə Ərəbistanı təmsilçisi ''Əl-Əhli'' nigeriyalı forvarda astronomik təklif irəli sürüb. Ərəblər 25 yaşlı futbolçuya 30 milyon avro maaş olmaqla 4 illik müqavilə təklif ediblər. Yəni Osimhen yeni klubunda 4 il ərzində 120 milyon avro qazana bilər.

Onunla razılıq əldə olunsa, ''Əl-Əhli'' artıq Osimhenin müqavilə ilə məxsus olduğu ''Napoli'' ilə danışıqlara başlayacaq. Bu futbolçuya uzun müddətdi, ''Çelsi'' də maraq göstərir. Amma londonlular heç cür keçidi tamamlaya bilmir. Osimhen hələ də bu mövsüm ''Napoli''nin heyətində heç bir rəsmi oyuna çıxmayıb. Transfer dəyəri 100 milyon avro civarında qiymətləndirilən forvardın Neapol klubu ilə 2026-ya qədər müqaviləsi var.

ƏLİ