''Əl-Nəssr'' Ronaldonu buraxmaq istəmir
''Əl-Nəssr''in idman direktoru Fernando Hierro Kriştiano Ronaldo ilə bağlı yeni açıqlamalar verib. O, Ronaldonu buraxmaq istəmədiklərinə işarə vurub.
Xatırladaq ki, portuqaliyalı ulduz fərdi planda mövsümü yaxşı keçirərək Səudiyyə Ərəbistanı çempionatının bombardiri olsa da, ''Əl-Nəssr'' mövsümü titulsuz tamamladı. Ronaldo çempionatın son matçının ardından sosial şəbəkədə ''bu başlıq başa çatdı, amma tarix hələ də yazılır. Hamıya təşəkkür edirəm'' paylaşımını etdi. Onun bu sözləri klubla vidalaşmağa hazırlaşması kimi qələmə verildi. Elə tanınmış insayder Nikola Skira da Kriştianonun Ər-Riyad təmsilçisindən ayrılacağını bildirildi. Amma Hierro son açıqlamasında bunları deyib:
''Ronaldonun bizimlə müqavilə müddəti iyunun sonuna qədər davam edir. Bəli, onunla yeni müqavilə imzalamaq istəyirik. Ümid edirəm ki, ortaq məxrəcə gələ biləcəyik. Hərçənd onun xidmətində maraqlı olan bir çox klubun olduğunu bilirik. Ronaldonun burdakı varlığının özü artıq çox böyük bir layihədi. O, futbol tarixinin ən böyük fenomenlərindən biridi və bu çempionatın inkişaf etməsində müstəsna xidmətləri var. Müqaviləsini yeniləmək üçün danışıqları davam etdiririk və onun bizimlə qalmasını istəyirik''.
Bəzi iddialara görə Ronaldonu narazı salan əsas məqam ''Əl-Nəssr''in titul qazana bilməməsidi. Bu üzdən o, Səudiyyə Ərəbistanının digər köklü klubu ''Əl-Hilal''a yollanmaq arzusundadı.
Bu klubun bu yay Viktor Osimheni də transfer edəcəyi gözlənilir. 40 yaşlı Ronaldonun geridə qoyduğumuz mövsümdə iştirak etdiyi 41 rəsmi 35 qol, 4 məhsuldar ötürməlik diqqətçəkən performans sərgilədiyini bildirək.
Digər xəbərlər
