Əfsanəvi basketbolçu Maykl Cordanın 1992/93 mövsümündə geydiyi və üçüncü dəfə MBA çempionu olduğu forma 2 milyon 623 min dollara satılıb.

"Football-plus.az" xəbər verir ki, forma "Heritage Auctions" hərrac evində öz sahibini tapıb.

Basketbolçu 1992-ci il noyabrın 6-dan 1993-cü il martın 24-nə qədər 17 oyunda forma geyib. Daha sonra onun "Sports Illustrated" jurnalının üz qabığında bu forma ilə şəkli yerləşdirilib.

Maraqlıdı ki, Cordanın həqiqətən də bu formanı geydiyini sübut etmək üçün mütəxəssislər sözügedən dövrlərdə 11 matçdan fotoları müqayisə etməklə araşdırma aparıblar. Digər altı oyundan olan fotoların bəzilərində formalar, bir qismində isə şortlar uyğun gəlib. Əfsanəvi basketbolçu ilə bağlı ən bahalı əşya hələ də 1998-ci ildə MBA finallarında geyindiyi fomadı.

Bu geyim 2022-ci ilin sentyabrında 10 milyon dollara satılıb. Bu da həmin vaxt hərracda satılan ən bahalı idman əşyası olub.