ABŞ basketbol yığmasının sabiq oyunçusu Karl Meloun Olimpiada-92-də Litvaya qarşı keçirilən yarımfinal oyununa çıxan bütün oyunçuların maykalarının satıldığı hərrac təşkil edib.

"Football-plus.az" xəbər verir ki, geyimlərin üzərində basketbolçuların avtoqrafı da olub. Maykl Cordanın maykası 3,03 milyon dollara satılmaqla rekord qırıb. Qalan oyunçuların maykaları isə bu qiymətə satılıb: Larri Berd (360 min dollar), Mecik Conson (336 min), Çarlz Barkli (230,4 min), Devid Robinson (116,4 min), Klyad Dreksler (91,2 min), Skotti Pippen (80,4 min), Karl Meloun (58,8 min), Con Stokton (55,2 min), Patrik Yuinq (39,6 min), Kristian Lettner (39,6 min), Kris Mallin (37,2 min).

Basketbolda oyun formasının satışı ilə bağlı rekord da Cordana məxsusdu. Onun 1998-ci ildə MBA finalının 1-ci oyununda geydiyi forma ötən ilin sentyabrında hərracda 10,1 milyon dollara satılıb.